အစိုးရ မူလွန်ကျောင်းမြေငှားသူကို ငါးနှစ် လစာမယူ ဖယ်ရှားရေးအတွက် တရားစွဲဆိုရာ ပြစ်မှုမမြောက်ဟုဆိုကာ အပြီးအပြတ်လွှတ်မှုအပေါ် ကျောင်းအကျိုးတော်ဆောင်အဖွဲ့က ကျေနပ်မှုမရှိ၍ ဆန္ဒထုတ်ဖော်မည် ဖြစ်ကြောင်း၊ ဦးသန်းညွန့် (ဥက္ကဋ္ဌကျောင်း အကျိုးတော်ဆောင်အဖွဲ့) က မတ် ၁၅ ရက် ညနေပိုင်း တရားစီရင်ရေးအပြီးတွင် ပြောကြားသည်။
“တရားသူကြီး စီရင်ချက်ဖတ်တာ မိနစ် ၂၀ လောက် ကြာပါတယ်။ အစက နားထောင်တာ ဟုတ်မယ်လို့ ထင်ခဲ့ပါတယ်။ နောက်ဆုံး အမိန့်ကျမှ သာမန်ကျော်နင်းရုံဖြစ် ပြစ်မှုဥပဒေ ပုဒ်မ ၄၄၇ အရ ပြစ်မှုမမြာက်ဟုဆိုပြီး အပြီးအပြတ် လွှတ်လိုက်တယ်လို့ ကြားလိုက်ရတော့ မယုံသလို ဖြစ်သွားတယ်။ စိတ်လည်းမကောင်းဖြစ်ပါတယ်။ ရပ်ကွက်ထိပ်က မူလွန်ကျောင်းပါ။ သက်သာမလုပ်ရဆိုတော့ ကျောင်းအုပ်က လာပြောတဲ့ချိန်ကစပြီး မိဘဆရာ အစည်းဝေးဆုံးဖြတ်ချက်နဲ့ ဖယ်ဖို့၊ ဖယ်မယ်လို့လည်း ကတိဝန်ခံချက် ရှိပါတယ်။ ဆက်ငှားတယ်လို ဖြစ်မှာစိုးလို့ ၁-၈-၂၀၁၀ ကတည်းက လစာမယူတာ ငါးနှစ်လောက် ရှိပါပြီ။ မဖယ်ပါဘူး။ ပညာရေး ထွေ/အုပ်ကို တင်ပြတော့ တရားစွဲပါတဲ့။ တရားစွဲတာ လေနဲ့မရပါဘူးဆိုတာ သိကြမှာပါ။ မိဘတွေပဲ ငွေစုပြီး တရားစွဲလာတာ တစ်နှစ်ကျော် ခုနစ်သိန်းလောက် ကုန်ပါပြီ။ အဲဒီလို အမိန့်ချတာကြားတော့ ငွေလှူခဲ့တဲ့ ရပ်မိရပ်ဖတွေကို ဘယ်လိုပြန်ပြောရမှန်း မသိတော့ဘူး။ တရားရုံးကို အမှန်တရားအတွက် အားကိုးလို့မရတော့ဘူးလို့ စိတ်ထဲမှာ ဝင်လာပါတယ်။ အစကတည်းက အသံတွေ ကြားခဲ့ပေမယ့် တရားကို နတ်စောင့်ပါတယ်ဆိုပြီး ယုံကြည်ခဲ့ကြပါတယ်။ အခုကျေနပ်ရမယ့် အခြေအနေ မဟုတ်တော့ ဆန္ဒပြဖို့ လုပ်သွားပါမယ်” ဟု ဦးသန်းညွန့် (ဥက္ကဋ္ဌ-ကျောင်းအကျိုးဆောင်အဖွဲ့)က ပြောကြားသည်။
