Photo: AFP
မန်စီးတီးအသင်းသည် ပြီးခဲ့သည့်စနေနေ့က ကစားခဲ့သော ပရီးမီးယားလိဂ်ပွဲစဉ်(၁၀) ဝက်စ်ဘရွန်း-မန်စီးတီးပွဲ၌ (၃-၂)ဂိုးဖြင့်အနိုင်ရရှိခဲ့ရာ ပရီးမီးယားလိဂ်ပြိုင်ပွဲသမိုင်းတစ်လျှောက်တွင် ပွဲစဉ်(၁၀)ပွဲကစားပြီးချိန်၌ ရာသီအစ ရလဒ်အကောင်းဆုံးအသင်းအဖြစ် မှတ်တမ်းဝင်ခဲ့ကြောင်း သိရှိရသည်။
မန်စီးတီးအသင်းသည် ယခုရာသီ ပရီးမီးယားလိဂ်ပွဲစဉ်(၁၀)ပွဲတွင် အဲဗာတန်တစ်သင်းတည်းသာ သရေကျခဲ့ပြီး (၉)ပွဲအနိုင်ကစားနိုင်ခဲ့သည်။ နောက်ဆုံးကစားခဲ့သော ပရီးမီးယားလိဂ်ပွဲစဉ်(၈)ပွဲဆက်တိုက် အနိုင်ကစားထားသော မန်စီးတီးအသင်းသည် ရမှတ်(၂၈)မှတ်၊ သွင်းဂိုး(၃၅)ဂိုး၊ ပေးဂိုး(၆)ဂိုးဖြင့် အမှတ်ပေးဇယားတွင် ဦးဆောင်လျက်ရှိသည်။
၎င်းရလဒ်မှတ်တမ်းမှာ ပရီးမီးယားလိဂ်ပြိုင်ပွဲတွင် (၁၀)ပွဲကစားပြီးချိန်၌ အကောင်းဆုံးဖြစ်ကြောင်း သိရှိရသည်။ ယခင်က ပရီးမီးယားလိဂ်တွင် (၁၀)ပွဲကစားပြီးချိန်၌ ရမှတ်အများဆုံးအဖြစ် (၂၈)မှတ်အထိရခဲ့သည့် အသင်းများရှိခဲ့သော်လည်း လက်ရှိမန်စီးတီးအသင်းက ဂိုးကွာခြားချက်တွင် အသာရနေကြောင်း သိရှိရသည်။
၂၀၀၅-၀၆ ဘောလုံးရာသီက ချယ်လ်ဆီးအသင်းမှာ ရာသီအစပွဲစဉ်(၁၀)ပွဲတွင် ရမှတ်(၂၈)မှတ်ရခဲ့သော်လည်း သွင်းဂိုး(၂၄) ဂိုး၊ ပေးဂိုး(၄)ဂိုးရှိခဲ့ခြင်းကြောင့် ဂိုးကွာခြားချက် မှာ (+၂၀)ဂိုးသာရှိခဲ့သည်။ ၂၀၁၁-၁၂ ဘော လုံးရာသီက မန်စီးတီးအသင်းမှာလည်း ရာသီအစပွဲစဉ်(၁၀)ပွဲတွင် ရမှတ်(၂၈)မှတ်ရခဲ့ပြီး သွင်းဂိုး(၃၆)ဂိုး၊ ပေးဂိုး(၈)ဂိုးရှိခဲ့ခြင်း ကြောင့် ဂိုးကွာခြားချက်မှာ (+၂၈)ဂိုး ရှိခဲ့သည်။
လက်ရှိမန်စီးတီးအသင်းမှာ ရမှတ် (၂၈)မှတ်၊ ဂိုးကွာခြားချက်(+၂၉)ဂိုးရှိခြင်းကြောင့် (၁၀)ပွဲကစားပြီးချိန်တွင် ရလဒ်အ ကောင်းဆုံးအသင်းအဖြစ် မှတ်တမ်းဝင်နေ ခြင်းဖြစ်သည်။ ၂၀၀၅-၀၆ ရာသီက ချယ်လ် ဆီးအသင်းနှင့် ၂၀၁၁-၁၂ ရာသီက မန်စီးတီးအသင်းများမှာ ရာသီကုန်တွင် ချန်ပီယံဖြစ်ခဲ့သည်။
