Photo: liverpool fc via Getty Images

Photo: AP

Photo: AP

စနေည ဘောလုံးပွဲတွေကို ယှဉ်ပြိုင်ကစားခဲ့ရာမှာ ပရီးမီးယားလိဂ်၊ ဘွန်ဒစ်လီဂါ၊ လာလီဂါတို့မှာ လီဗာပူးလ်၊ ဘိုင်ယန်၊ ဘာစီလိုနာတို့ နိုင်ပွဲအသီးသီး ရရှိခဲ့ပါတယ်။

လီဗာပူးလ်အသင်းဟာ ဝက်စ်ဟမ်းကွင်းမှာ တိုက်စစ်ခြေစွမ်းပြပြီး (၁-၄)ဂိုးနဲ့ အနိုင်ရခဲ့ပါတယ်။ လီဗာပူးလ်အတွက် ဂိုးတွေကို ဆာလာ (၂၁၊ ၇၅ မိနစ်)၊ မာတစ် (၂၄ မိနစ်)၊ ချိန်ဘာလိန် (၅၆)မိနစ်တို့ သွင်းယူပေးခဲ့ကြပြီး ဝက်စ်ဟမ်းအတွက် တစ်လုံးတည်းသော ချေပဂိုးကိုတော့ လန်ဇီနီ (၅၅)မိနစ်က သွင်းယူပေးခဲ့ပါတယ်။ ဆာလာဟာ ဒီရာသီမှာ လီဗာပူးလ်အသင်းရဲ့ ပြိုင်ပွဲစုံ (၁၅)ဂိုး (၁၂ ဂိုးသွင်း၊ ၃ ဂိုးဖန်တီး)မှာ တိုက်ရိုက်ပါဝင်ပတ်သက်နေပြီး အသင်းမှာ ဘယ်ကစားသမားထက်မဆို ပိုမိုသာလွန်နေပါတယ်။

ဒေါ့မွန်နဲ့ ဘိုင်ယန်မြူးနစ်တို့ ဆုံတွေ့မှုမှာတော့ ဘိုင်ယန်မြူးနစ်က (၁-၃)ဂိုးနဲ့ အနိုင်ရခဲ့ပါတယ်။ ဘိုင်ယန်မြူးနစ်အသင်းအတွက် ဂိုးတွေကို ရော်ဘင် (၁၆ မိနစ်)၊ လီဝန်ဒေါစကီး (၃၇ မိနစ်)၊ အလာဘာ (၆၇ မိနစ်)တို့ သွင်းယူပေးခဲ့ကြပြီး ဒေါ့မွန်အသင်းအတွက် တစ်လုံးတည်းသော ချေပဂိုးကို ဘာထရာက (၈၈)မိနစ်မှာ သွင်းယူခဲ့ပါတယ်။ ဘိုင်ယန်မြူးနစ်အသင်းဟာ နည်းပြ ဟေးနက်စ် ကိုင်တွယ်ခဲ့တဲ့ ဘွန်ဒစ်လီဂါ နောက်ဆုံး (၂၉)ပွဲဆက် ရှုံးပွဲမရှိခဲ့ဘဲ (၂၅)ပွဲနိုင်၊ (၄)ပွဲသရေကျခဲ့တာပါ။ ဒီပွဲကို အနိုင်ရခဲ့တာကြောင့် ဘိုင်ယန်မြူးနစ်ဟာ ဒေါ့မွန်အသင်းကို (၆)မှတ်အထိ ဖြတ်နိုင်ခဲ့ပါတယ်။

ဘာစီလိုနာနဲ့ ဆီဗီလာအသင်းတို့ရဲ့ ပွဲမှာတော့ ဘာစီလိုနာအသင်းက (၂-၁)ဂိုးနဲ့ အနိုင်ရခဲ့ပါတယ်။ ဘာစီလိုနာအတွက် ဂိုးတွေကို အယ်လ်ကာဆာ တစ်ဦးတည်းက (၂၃)မိနစ်နဲ့ (၆၅)မိနစ်တို့မှာ သွင်းယူခဲ့ပြီး ဆီဗီလာအတွက် ချေပဂိုးတစ်ဂိုးကို ပစ်ဇာရိုက (၅၉)မိနစ်မှာ သွင်းယူခဲ့ပါတယ်။ ဘာစီလိုနာအသင်းဟာ ရာသီအဖွင့် (၁၁)ပွဲမှာ (၃၁)မှတ်ရယူနိုင်ခဲ့ပြီး ၂၀၁၂-၁၃၊ ၂၀၁၃-၁၄ ရာသီတွေမှာ တင်ရှိထားတဲ့ အသင်းရဲ့ ရာသီအဖွင့်ရလဒ်စံချိန်ကို ပြန်လိုက်မီခဲ့ပါတယ်။

■ ပရီးမီးယားလိဂ်ရလဒ်များ
စတုတ်စီးတီး ၂-၂ လက်စတာ
ဟတ်ဒါဖီးလ် ၁-၀ ဝက်စ်ဘရွန်း
နယူးကာဆယ် ဝ-၁ ဘုန်းမောက်
ဆောက်သမ်တန် ဝ-၁ ဘန်လေ
ဆွမ်ဆီး ဝ-၁ ဘရိုက်တန်
ဝက်စ်ဟမ်း ၁-၄ လီဗာပူးလ်

■ လာလီဂါရလဒ်များ
ဗလင်စီယာ ၃-၀ လီဟာနက်စ်
ဒီပို့တီဗို ဝ-၁ အက်သလက်တီကို
အလာဗတ်စ် ၁-၀ အက်စ်ပန်ညို
ဘာစီလိုနာ ၂-၁ ဆီဗီလာ

■ စီးရီးအေရလဒ်များ
ဘိုလော့ဂ်နာ ၂-၃ ခရိုတိုနီ
ဂျီနိုအာ ဝ-၂ ဆမ်ဒိုးရီးယား

■ ဘွန်ဒစ်လီဂါရလဒ်များ
လိုက်ပ်ဇစ် ၂-၁ ဟန်နိုဗာ
ဖရိုင်းဘတ် ဝ-၁ ရှော်လ်ကေး
မိုချန်ဂလာဘတ် ၁-၁ မိန့်ဇ်
အော့စ်ဘတ် ၁-၁ လေဗာကူဆင်
ဟမ်းဘတ် ၃-၁ စတုဂတ်
ဒေါ့မွန် ၁-၃ ဘိုင်ယန်မြူးနစ်

■ ပြင်သစ်လီဂူးရလဒ်များ
အန်ဂါစ် ဝ-၅ PSG
မိုနာကို ၆-၀ ဂူအင်ဂမ့်
မောင့်ပယ်လီယာ ၁-၁ အာမီယန်စ်
နန့်စ် ၂-၁ တူးလူး
ထရွိုင်စ် ၃-၀ စထရာဘိုး

■ လိဂ်ချန်ပီယံရှစ်ရလဒ်များ
ဘရစ္စတိုးလ်စီးတီး ၂-၁ ကာဒစ်ဖ်
အက်စတွန်ဗီလာ ၁-၂ ရှက်ဖီးဝင်းစ်ဒေး
ဘန်စလေ ၂-၀ ဘာမင်ဂမ်
ဘော်လ်တန် ၂-၁ နောဝစ်ချ်
ဒါဘီ ၂-၄ ရက်ဒင်း
အစ်ဝစ်ချ် ၃-၀ ပရက်စတန်
မီဝေါလ် ဝ-၁ ဘာတန်
နော်တင်ဟမ် ၄-၀ QPR
ရှက်ဖီးယူနိုက်တက် ၄-၁ ဟားလ်စီးတီး
ဘရန့်ဖို့ဒ် ၃-၁ လိဒ်စ်