ပြီးခဲ့သည့်ဗုဒ္ဓဟူးနေ့က ဝက်စ်ဟမ်းနှင့်ကစားခဲ့သော လိဂ်ဖလားပွဲတွင်
ခွက်ထဲ၌ ကျင်ငယ်ရည်ပေါက်ကာ ဝက်စ်ဟမ်းပရိသတ်များထံ ပစ်ပေါက်
ခဲ့သည့် စပါးပရိသတ်အား ရဲတပ်ဖွဲ့က စုံစမ်းစစ်ဆေးမှုပြုလုပ်နေကြောင်း
သိရသည်။
အဆိုပါပရိသတ်မှာ ၎င်း၏လုပ်ရပ်ကို ဗီဒီယိုရိုက်ခဲ့သလို Twitter စာမျက်
နာတွင် ဖော်ပြခဲ့ရာ ယင်းရုပ်သံဖိုင်မှာ အွန်လိုင်းတွင် ပြန့်နှံ့ခဲ့သည်။ စကော့
တလန်ယာ့ဒ်ရဲတပ်ဖွဲ့က-စပါးနှင့်ဝက်စ်ဟမ်းတို့ကစားခဲ့သောပွဲမှ ပရိသတ်
တစ်ဦး၏ လုပ်ရပ်နှင့်ပတ်သက်၍ ဗီဒီယိုဖိုင်ထွက်ပေါ်လာခြင်းအပေါ် မိမိတို့
သတိပြုမိခဲ့ကြောင်း၊ ယင်းဖြစ်ရပ်နှင့်ဆက်နွယ်ကာ တိုင်ကြားမှုများကို မိမိ
တို့ လက်ခံရရှိထားပြီး စစ်ဆေးမှုများပြုလုပ်မည်ဖြစ်ကြောင်း၊ ယခုလောလော
ဆယ်တွင် မည်သူတစ်ဦးတစ်ယောက်ကိုမျှ ဖမ်းဆီးခြင်းမရှိသေးကြောင်း-
ဖော်ပြခဲ့သည်။
ထို့ပြင် စပါးအသင်း တာဝန်ရှိသူတစ်ဦးက-ဒီလုပ်ရပ်ဟာ လုံး၀ လက်မခံနိုင်
စရာ အပြုအမူပါ။ အဲဒီပရိသတ်ကို ဖော်ထုတ်ဖို့ ကျွန်တော်တို့ စစ်ဆေးမှုတွေ
ပြုလုပ်နေပါပြီ-ဟု ပြောကြားခဲ့သည်။
REF:Daily Mail
[video width="636" height="382" mp4="http://news-eleven.com/wp-content/uploads/2017/10/636x382_MP4_8918825681..."][/video]