Photo: Daily Mail
မန်စီးတီးအသင်း၏ အာဂျင်တီးနားတိုက်စစ်မှူး အဂွဲရိုးက အသင်းနှင့် စာချုပ်သက်တမ်းကုန်လျှင် လမ်းခွဲဖြစ်ဖွယ်ရှိကြောင်း ထုတ်ဖော်ပြောကြားခဲ့သည်။
အဂွဲရိုးသည် မန်စီးတီးအသင်းသို့ ၂၀၁၁ ခုနှစ်က ရောက်ရှိလာခြင်းဖြစ်ပြီး အသင်း၏ ဂိုးသွင်းအများဆုံးကစားသမားအဖြစ်လည်း စံချိန်တင်ထားသည်။
သူ၏ စာချုပ်သက်တမ်းမှာ ၂၀၁၉ ခုနှစ်တွင် ကုန်ဆုံးမည်ဖြစ်ပြီး စာချုပ်သက်တမ်း တိုးမြှင့်ဖွယ်မရှိတော့ကြောင်း ဝန်ခံခဲ့ခြင်းဖြစ်သည်။
အဂွဲရိုးသည် မူလက တစ်နှစ်သက်တမ်းတိုးစာချုပ် ချုပ်ဆိုရန် မန်စီးတီးအသင်းနှင့် သဘောတူညီမှု ရယူထားသော်လည်း မန်စီးတီးအသင်းက အလက်ဆစ်ဆန်းချက်ဇ်ကို ခေါ်ယူရန် ကြိုးပမ်းနေခြင်းနှင့် ဂျေးဆူ၏ ခြေစွမ်းပြမှုကြောင့် ပထမနေရာအတွက် ဖိအားများလာသည့်အတွက် လမ်းခွဲရန် စဉ်းစားလာခြင်းဖြစ်ကြောင်း သိရှိရသည်။
Photo: Daily Mail
အဂွဲရိုးသည် ကလေးဘဝကတည်းက ကစားခဲ့သည့် အာဂျင်တီးနားနိုင်ငံမှ ဇာတိမြို့အခြေစိုက်ကလပ် အင်ဒီပန်းဒီးယန့်အသင်းတွင် ပြန်လည်ကစားရန် ရည်ရွယ်ထားကြောင်းလည်း သိရှိရသည်။
