ခရစ္စတယ်ပဲလေ့စ်အသင်းနှင့်ပွဲတွင် ဒဏ်ရာရရှိခဲ့သည့်
ဟာရီကိန်း Photo: AFP
လာမည့်နိုဝင်ဘာလ (၁၈)ရက်၌ ကစားမည့် အာဆင်နယ်အသင်းနှင့် မြောက်လန်ဒန်ဒါဘီပွဲစဉ်တွင် စပါးအသင်းတိုက်စစ်မှူး ဟာရီကိန်းပြန်လည်ပါဝင်မည်ဖြစ်ကြောင်း သိရသည်။
ဟာရီကိန်းသည် ပြီးခဲ့သည့်တစ်ပတ်၌ကစားခဲ့သော ခရစ္စတယ်ပဲလေ့စ်အသင်းနှင့်ပွဲစဉ်တွင် ဒဏ်ရာရရှိခဲ့ပြီး ဂျာမနီ၊ ဘရာဇီးလ်အသင်းတို့နှင့် ကစားမည့်အင်္ဂလန်အသင်း၏ ခြေစမ်းပွဲစဉ်များကို
လွဲချော်ခဲ့သည်။
စပါးအသင်းနည်းပြ ပိုချက်တီနိုက Brave New World ဟုအမည်ပေးထားသည့်
၎င်း၏ စပါးအသင်းနည်းပြဘဝအကြောင်းအရာများပါဝင်သည့် စာအုပ်မိတ်ဆက်ပွဲတွင်
ဟာရီကိန်းပြန်ကစားနိုင်မည့်အကြောင်း ထည့်သွင်းပြောကြားခဲ့ခြင်းခြစ်သည်။
'' နောက်ဆုံးကစားခဲ့တဲ့ပွဲမှာ ဟာရီကိန်း ဒူးကို ကန်ခံခဲ့ရပါတယ်။ ဒါပေမဲ့ အာဆင်နယ်နဲ့ကစားမယ့်ပွဲမှာ သူကစားနိုင်ပါလိမ့်မယ်'' ဟု ပိုချက်တီနိုက ပြောကြားခဲ့သည်။
ဟာရီကိန်းသည် အာဆင်နယ်အသင်းနှင့် ကစားခဲ့သည့် နောက်ဆုံး (၆)ပွဲတွင်
(၆)ဂိုးသွင်းယူထားသည်။
