၂၀၁၈ ကမ္ဘာ့ဖလားပြိုင်ပွဲ အုပ်စုအဆင့်တွင် စပိန်အသင်းနှင့် မဆုံတွေ့လိုကြောင်း မက်ဆီ ဖွင့်ဟ

 

အာဂျင်တီးနားအသင်းတိုက်စစ်မှူး မက်ဆီက ၂၀၁၈ ကမ္ဘာ့ဖလားပြိုင်ပွဲအုပ်စုအဆင့်တွင်
စပိန်အသင်းနှင့် မဆုံတွေ့လိုကြောင်း ဖွင့်ဟခဲ့သည်။
ရုရှားနိုင်ငံ၊ မော်စကိုမြို့တွင် ရုရှားအသင်းနှင့် ခြေစမ်းပွဲမကစားမီ
အာဂျင်တီးနားပြည်တွင်းရုပ်သံ TyC နှင့် အင်တာဗျူးအစီအစဉ်၌ မက်ဆီက
ယခုကဲ့သို့ ပြောကြားခဲ့ခြင်းဖြစ်သည်။

အာဂျင်တီးနားအသင်း၏ လေ့ကျင့်ခန်းအစီအစဉ်တွင် တွေ့ရသည့် ဒီဘားလားနှင့် မက်ဆီ Photo: AFP

'' စပိန်အသင်းနဲ့သာ အုပ်စုအဆင့်မှာ ဆုံတွေ့မယ်ဆိုရင် အဆိုးရွားဆုံးအရာ
ဖြစ်သွားနိုင်ပါတယ်။ သူတို့နဲ့ မဆုံတွေ့ချင်ပါဘူး။ သူတို့ဟာ ခက်ခဲမယ့်ပြိုင်ဘက်တွေ
ဖြစ်လာလိမ့်ပါမယ်။ တစ်ဦးချင်းထူးချွန်သူအများအပြားနဲ့ အကောင်းဆုံးခံယူချက်ကို
ပိုင်ဆိုင်ထားပါတယ်'' ဟု မက်ဆီက ပြောကြားခဲ့သည်။
ထို့ပြင် မက်ဆီက လာမည့် ၂၀၁၈ ကမ္ဘာ့ဖလားပြိုင်ပွဲတွင် ဗိုလ်စွဲနိုင်သည့်အသင်းများအဖြစ်
ဘရာဇီးလ်၊ ဂျာမနီ၊ ပြင်သစ်အသင်းတို့နှင့်အတူ စပိန်အသင်းကိုရွေးချယ်ထားသည်။