Photo: Getty Images
အီတလီလက်ရွေးစင်အသင်း၏ နာမည်ကျော်ကွင်းလယ်ကစားသမားဟောင်း ပီယာလိုသည် ကစားသမားဘဝမှ အနားယူလိုက်ပြီဖြစ်ကြောင်း သိရှိရသည်။
ပီယာလိုသည် အသက်(၃၈)နှစ်ရှိပြီဖြစ်ပြီး မေဂျာလိဂ်ကလပ် နယူးယောက်စီးတီးအသင်းတွင် ပွဲပေါင်း(၆၂)ပွဲ ကစားပြီးနောက် အနားယူရန် ဆုံးဖြတ်လိုက်ခြင်းဖြစ်သည်။
ပီယာလိုသည် အီတလီလက်ရွေးစင်အသင်း၊ အေစီမီလန်၊ ဂျူဗင်တပ်စ်အသင်းများနျှင့် ဆုဖလားများစွာ ရယူနိုင်ခဲ့သူဖြစ်ပြီး ကမ္ဘာ့အကောင်းဆုံး ကွင်းလယ်ကစားသမားများထဲတွင် ပါဝင်သူတစ်ဦးအဖြစ်လည်း သတ်မှတ်ခံခဲ့ရသူဖြစ်သည်။
၂၀၁၅ ခုနှစ်တွင် အီတလီလက်ရွေးစင်အသင်းမှ အနားယူခဲ့ပြီးနောက် ယခုအခါ ကစားသမားဘဝမှ အပြီးတိုင်အနားယူလိုက်သည့် ပီယာလိုက ကစားသမားဘဝတစ်လျှောက် အားပေးခဲ့ကြသည့် ပရိသတ်များကို ကျေးဇူးတင်ရှိကြောင်းနှင့် အမြဲအမှတ်ရနေမည်ဖြစ်ကြောင်း သူ၏ Twitter စာမျက်နှာတွင် ရေးသားဖော်ပြခဲ့သည်။
