Photo: Liverpool Echo
လီဗာပူးလ်အသင်း၏ ဘရာဇီးလ်တိုက်စစ်မှူး ဖေမီ နိုက အသင်းနည်းပြ ယာဂန်ကလော့ပ်၏ ဂျာမန်စိတ်ဓာတ် နှင့် မိမိကိုက်ညီကြောင်း၊ အသင်းတွင် ယာဂန်ကလော့ပ် ၏ ကိုင်တွယ်အုပ်ချုပ်ပုံများကို အပြည့်အဝသဘောကျ ကြောင်း ပြောကြားလိုက်သည်။
ဖေမီနိုက ပြင်သစ်ရုပ်သံ SFR Sport နှင့် တွေ့ဆုံခဲ့ရာ၌ " လီဗာပူးလ်အသင်းဟာ ယာဂန်ကလော့ပ် ရောက်ရှိလာချိန်ကစပြီး တိုးတက်မှုတွေ ရှိလာပါတယ်။ သူဟာ ထူးခြားတဲ့နည်းပြတစ်ဦးပါ။ သူနဲ့ နေ့စဉ် အတူလက်တွဲပြီး အလုပ်လုပ်ရတာကို ကျေနပ်ပါတယ်။ ဂျာမနီနိုင်ငံမှာ ကစားခဲ့ဖူးတာကြောင့် ဂျာမန်တွေရဲ့ စိတ်ဓာတ်ကြံ့ခိုင်မှုကို ကျွန်တော်သိပါတယ်။ ကလော့ပ် ဟာ ကျွန်တော်တို့ကစားသမားတွေကို နည်းစနစ်ပိုင်းသာမက စိတ်ပိုင်းဆိုင်ရာတိုးတက်မှုတွေ ရှိလာအောင်ပါ ပြု လုပ်ပေးနိုင်သူပါ " ဟု ပြောကြားခဲ့သည်။
