ပြီးခဲ့သည့်စနေနေ့က ကစားခဲ့ သော မန်စီးတီး(၃-ဝ)ဘန်လေပွဲတွင် ပွဲချိန်(၃၀)မိနစ်၌ ပေးခဲ့ရသော ပယ်နယ်တီနှင့်ပတ်သက်၍ ဘန်လေအသင်းနည်းပြ ရှောင်ဒိုက်က မန်စီးတီးတောင်ပံကစားသမား ဘာနာဒို ဆေးလ်ဗားကို ပြစ်တင်ဝေဖန်ခဲ့သည်။
ယင်းပွဲတွင် ဘန်လေအသင်း ဘက်သို့ ဘာနာဒိုဆေးလ်ဗားတိုက်စစ်ဆင်ရာတွင် ဘန်လေဂိုးသမား နစ်ပုတ်က ကာကွယ်ခဲ့ရာ ၎င်း၏လက် နှင့်ထိမိခဲ့ပြီး ဘာနာဒိုဆေးလ်ဗားမှာ လဲကျခဲ့ခြင်းဖြစ်သည်။ ယင်းပွဲ၏ ဒိုင်လူကြီး ရော်ဂျာအိစ်က ပယ်နယ်တီ အဖြစ်သတ်မှတ်ခဲ့ပြီး အဂွဲရိုးက ယင်းပယ်နယ်တီကိုသွင်းယူကာ မန်စီးတီးအသင်း ဦးဆောင်ဂိုးရရှိခဲ့သည်။
ပွဲအ ပြီးတွင် ယင်းပယ်နယ်တီအတွက် ဒေါသထွက်နေသော ရှောင်ဒိုက်က "တကယ်လို့ ပန်းခြံထဲမှာ ကျွန်တော့်ရဲ့ ကလေးကို ကန်ခဲ့မယ်ဆိုရင်တောင် သူ့(ဘာနာဒိုဆေးလ်ဗား)လိုမျိုး လဲကျ မှာ မဟုတ်ပါဘူး။ အဲဒါကြောင့် ဘော လုံးပွဲတွေမှာ ဂုဏ်သိက္ခာရှိရှိကစားဖို့ ကျွန်တော် အမြဲပြောနေရတာပေါ့။ ဂိုးသမားက သူ့ကိုထိခဲ့တာ မှန်ပါ တယ်။ ဒါပေမဲ့ (၁၃)စတုံ (၁၈၂ ပေါင်)လောက်လေးတဲ့ ပရော်ဖက်ရှင်နယ် ကစားသမားတစ်ဦးဟာ ဒီလောက်ထိ ရုံလေးနဲ့ မလဲကျသင့်ပါဘူး"ဟု ပြောကြားခဲ့သည်။
