Photo: Daily Star
နယူးကာဆယ်အသင်း၏ အင်္ဂလန်ကွင်းလယ်လူ ရှယ်လ်ဗီသည် အသင်းဖော်ကစားသမား(၂)ဦးဖြစ်သည့် အသင်းခေါင်းဆောင် လက်စ်ဆဲလက်စ်နှင့် ကွင်းလယ်လူ မိုဟာမက်ဒီယာမီတို့၏ရန်ပွဲကို ဖျန်ဖြေရာမှ လက်ချောင်းရိုးကျိုးသည့်ဒဏ်ရာရရှိခဲ့ကြောင်း သိရသည်။
နယူးကာဆယ်အသင်း၏ လေ့ကျင့်ရေးကွင်းဖြစ်သည့် ဒါစလေပတ်ခ်စင်တာတွင် အင်္ဂလန်ယူ-၂၁နောက်ခံလူဟောင်း လက်စ်ဆဲလက်စ်နှင့် ဆီနီဂေါကွင်းလယ်လူ ဒီယာမီတို့ တစ်ဦး နှင့်တစ်ဦး ကိုယ်ထိလက်ရောက်ထိုး ကြိတ်နေကြရာ ရှယ်လ်ဗီက ကြားဝင်ဖျန်ဖြေပေးခဲ့ခြင်းဖြစ်သည်။ ယင်းကဲ့သို့ ဖျန်ဖြေရာတွင် သူ၏ဘယ်ဘက်လက်ရှိ လက်ချောင်းတစ်ခုကျိုးသွားခဲ့ကြောင်း သိရှိရသည်။
ယင်းရန်ပွဲမှာ အသင်းခေါင်း ဆောင် လက်စ်ဆဲလက်စ်က ဒီယာမီ အား ပျင်းရိသူဟု ခေါ်ဝေါ်ခဲ့ရာမှ နှစ်ဦး နှစ်ဖက်စကားများကာ ရန်ပွဲဖြစ်ပွားခဲ့ ခြင်းဖြစ်ကြောင်း သိရှိရသည်။ ရှယ်လ်ဗီအနေဖြင့် ယင်းလက်ချောင်းရိုးကျိုး သည့်ဒဏ်ရာရရှိခဲ့သော်လည်း လာမည့်တစ်ပတ်တနင်္ဂနွေနေ့တွင် ကစားရန်ရှိသော ဆောက်သမ်တန်-နယူးကာဆယ်ပွဲတွင် ပါဝင်ကစားနိုင်ဖွယ်ရှိ ကြောင်း သိရှိရသည်။
